Si pasojë e kushteve të rënda atmosferike

Ndihmohen 14 familje në komunën e Malishevës

Malishevë, 8 shkurt

Kryetari i Komunës së Malishevës, z.Isni Kilaj, gjatë dy ditëve të fundit, ka ndihmuar 14 familje me gjëra ushqimore, të cilat ditëve të fundit, janë duke u përballur me probleme si pasojë e kushteve të rënda ekonomike. Gjendja e tyre është rënduar edhe më shumë nga të ftohtit dhe bora e pandërprerë, duke ju pamundësuar atyre lëvizjen për furnizim me gjëra ushqimore.

Dje dhe sot, kryetari Kilaj, ka vizituar personalisht këto 14 familje, në fshatrat Gurbadh, Tërpezë, Turjakë, Drenoc, Lubizhdë, Damanek dhe Senik, familje të cilat paraprakisht kanë kërkuar ndihmë, me c’rast të gjitha këto familjeve, janë furnizuar me gjëra ushqimore, si : miell, krip, vaj dhe gjëra tjera të nevojshme.

"Ndihmat e tilla, do të vazhdojnë edhe ditëve në vijim, varësisht prej kërkesave, nevojës dhe mundësive”, ka thënë midis tjetash kryetari i komunës së Malishevës, z. Isni Kilaj.